Conferencias

Nafarroako Emauseko Trapuketarien 50 Urte: sinesmen eta zaborren artean bizirik den gune bat

HITZALDIAREN EDUKIA:

Urteetan zehar (1972tik Iruñean) eta Frantziako Abbé Pierren borroka eta salaketetatik ikasiz, Nafarroako Emauseko Trapuketariok, bizi-esperientzia gogorren eta trapuketari-lanean (zaborretatik biziz), mundua nola dabilen eta zer behar dugun esaten diguten jakinduriak eta arrazoiak metatzen joan gara. Egunerokotasunean lan eginez, trapuketariok kontzientzia hartzeko eta bizitza indibidual zein kolektiboa eraikitzeko aukera ematen diguten egiaztapenak ateratzen ditugu, geure historiaren eta geure estetiken gabe izateko asmoz bizi garen subjektu ez-estandarrak garen aldetik.

Esperientzien, uste sendoen eta zaborren artean, zalantzati baina, nortasun sozial, solidario eta laboralaren printzipioak eraikitzen joan gara, ingurumenaren aldeko apustuarekin batera. Bilaketa eta erantzun partekatuen artean, elkartasun- eta ekitate-gakoak dituzten aukerak helarazi dizkiegu erakundeari, lanari eta barneko eta kanpoko harremanei, soiltasuna helburu, zailtasun gehien dituzten pertsonen aldeko lehentasunezko hautuetatik abiatuta. Trapuketari lanbidetik ikasi dugu, bestalde, Lurra zaindu behar dugula, haren parte baikara, ez haren jabeak.

Badakigu munduko zein partetan bizi garen, norekin partekatzen ditugun borrokak eta ametsak, nondik sortzen zaigun samurtasuna eta poza, eta nondik amorrua edo pena.

Errealitate sozioekonomikoa eraldatzeko borrokatzen gara, errealitateak, inolako lotsarik gabe, ugaritasunaren lizunkeria eta muturreko pobrezia batera erakusten baitizkigu. Errealitate horrek, bere bizimoduen ondorioz, xahuketa eta kontsumo eroa ditu fruitu, hots, “erabili eta bota” goiburuko jokabidea, nahiz eta jakin horrek kalte larriak egiten dizkiola gizarteari eta ingurumenari.

Hitzaldiaren transkripzio osoa eta hizlariak erabilitako diapositibak ikus daitezke.

PONENTE
INFORMACIÓN DE LA CONFERENCIA

ARCHIVOS MULTIMEDIA

This site is registered on wpml.org as a development site.