Bizikidetzaren berradiskidetzea exijentzi handiko karakteristika bere baitan gordetzen duen prozesu bat da: partekatzen da ala, osterantzean, ez da izango. Bere bideragarritasuna ezinbestez baldintzatzen du. Partekatzeko, berriz, lehen urrats bezala zera aholkatzen da: adiskidetzearen ideia bat, errelato bat, kontzeptu bat amankomunean jarriz hasi.

Ezinbesteko beste baldintza bat, sufrikario guztiak integratzea da. Egindako minaren ezagutza eta errekonozimenduak biktima guztiak hartu behar ditu kontutan, ez bakarrik norberagandik hurbil sentitzen direnak. Iragan osoaren errebisio kritikoa esan nahi du honek, eta ez bakarrik egoki eror daitekeenarena. Puntu honetan jokatzen da, definitiboki, adiskidetze prozesu baten bideragarritasuna ala porrota.