Gero eta denbora gutxiagoan izan diren aldaketa ugariek ziurgabetasun handiko egoeran murgildu dute egungo gizartea. Testuinguru horretan, agerian geratzen da gidarien eta erreferentzien falta, bizitzan irizpidez moldatzen lagunduko digutenak.

Jakinduria-iturrietako bat belaunaldien arteko elkarrizketan aurki dezakegu. Aldaketa horiek gero eta gehiago urrundu dituzte belaunaldiak, eta elkar ez ulertzea eragin dute, bizi-iparrorratz preziatuenetako bat baztertuz.

Hitzaldi honek harreman horri berriro ekitea du helburu, lehenik eta behin terminoak argituz, hortik, beren esperientzietatik eta bizitza ikusteko moduetatik elkar aberasteko.