Hitzaldiaren tituluak Massachussetseko ehungintzako emakumeek, 1991. urtean, greba bat egiteko orduan goiburu bezala erabili zuten hura dakar gogora. Haien pankartetan irakurri zitekeen: Ogia eta arrosak, biak nahi ditugu”. Langile zirenaren aldetik zegozkien eskubideak ez ezik, bizitza duin bat, beren errekonozimendu, ordezkaritza, autonomia, elkarrekikotasuna eta sormena onartuko zizkien justizi gorengo bat exijitzen zuten, ez gutxiago.

Gizartearen aldaketaren eragile gisa emakumeek eta beren erakunde feministek izaniko hedapenaz erreflexionatzeko bide emango du hitzaldiak. Emakume kristauen askapen mugimenduek erakusten dutenez, faktore erlijioso eta izpiritualak, askapenaren ikuspuntutik planteatzen direnean, emakumeen bizitza osatuagoa egiten eta pertsona guztien bizitza baldintzak hobetzen lagun dezake.