HITZALDIAREN EDUKIA: “Non dago esperantza?” galderak zeharkatzen du hausnarketa, eta galdera hori zegoen Frágiles saiakera, kultura garaikideari buruz egin dudan azken saiakeretako bat. Hitzaldirako, saiakera horretan oinarrituko gara, bizi dugun garaiaren konplexutasunari eta itxaropenerako aukerei, sabotajeei eta arrazoiei buruz hausnartu nahian.
Horri dagokionez, hitzaldiaren helburua da muinean teknologia duen kultura larritu baten anbibalentzia eta jiteei heltzea, planeta berotzen duen eta, aldi berean, gizakiak hozten dituen kulturaren anbibalentziari heltzea. Hemen, komunitatearen eta etorkizunaren arteko harremanaz, hauskortasunaren eta itxaropenaren artekoaz arituko gara, abiapuntu hartuta bai makinek eraldatutako bizitzaren eta lanen transformazioa, bai indibidualismoak eta orainaldi presentifikaturen menpe desitxuratzen diren lotura komunitarioak.
Erne egonen gara ikustearren kapitalismo digitalak nola boikotatzen duen kultura humanista eta emantzipatzailea: ez du ematen mundu hobea sortzen ari denik. Kapitalismo horren ezaugarri diren “indar monetarioen” makinek aztertutako gizateriak mundu kontserbadoreagoaren mehatxua dakarte; izan ere, datu masiboak “gertatu den horretatik” ateratzen dira, eta kultura algoritmikoa “gertatu ohi den horretatik”, “gertagarrienetik”. Estatistikak aurreiritzi kulturalak eta estereotipoak errepikatzeko joera duten batez besteko erantzunak bideratzen ditu, identitate kolektiboek pertsonez duten ikuspuntua indartzen du. Berdintasuna lortzeko, aldez aurreko azterketa egin beharko litzateke, arriskuaren autokontzientzia eduki, gizarte-aurrerapenak posible egingo dituen beharrezko inplikazioa bultzatu, baina, batez ere, komunitate-lotura berritua beharko litzateke, etorkizun hobe baterako itxaropen osoa behar duena, hain zuzen ere. Testuinguru horretan, geure buruari galdetuko diogu ea hauskortasunak nola funtziona dezakeen joskintza komunitario gisa besteen behar solidarioan; izan ere, aitorturiko kalteberatasunak geldialdia egitera behartzen du pertsona, eta lagun hurkoarekiko harremanari eustera. Lokarri horiek funtsezkoak dira itxaropenaren ideia berritua aktibatzeko.
HITZALDI-ONDOKOA
Dokumentu honetan (PILULAK), hizlariak bere hitzaldian egindako ekarpenen laburpena jaso dugu, hitzaldi ondoko solasaldirako oinarri izan daitezen.
Diario de Noticias egunkarian argitaratutako elkarrizketa
Beste batzuetan bezala, hitzaldi ondoko topaketak oso ikuspuntu interesgarriak eman ditu, eta HITZALDIAREN OSTEKO TOPAKETAREN LABURPEN honetan irakurtzera gonbidatzen zaituztegu.
