Gogoa Foroko lagunek, dakizuenez, Gogoa Foroa BIDE PARTEKATUA deritzogun eliz topaketa talde batean parte hartzen ari da. Datorren asteazkenean, irailak 20, ekimen hau ezagutzera gonbidatu nahi zaituztegu. 19: 30ean elkartuko gara Kaputxinoetako San Antonio elizan. Agurraren eta Topaketaren aurkezpenaren ostean, bideak irekitzen diharduan beste eliz talde baten testigantza entzungo dugu, “Emakumeen errebolta Elizan” izenekoa. Ondoren, solasaldi ireki batean, “Partekatutako Bidea” ren esperientzia, emandako pausoak eta ikasturte berri honi begira jarriko gara. ZUEN ZAIN GAUDE.