4/10/2022

Ukraina. Gerrari eta bakeari buruzko zenbait galdera kritiko

Ukraina. Gerrari eta bakeari buruzko zenbait galdera kritiko

Ukrainako egungo gerra, Errusiak 2022ko otsailean inbaditu zuenean hasi zena, pairatzen ari garen krisien kateko beste maila bat da: a) 2008ko krisi ekonomikoak, guztiz gainditu gabea, bere segida izanen du gaur egungo inflazio, energia, elikagai eta lehengaien eskasiarekin; b) COVID-19aren osasun krisiak bere ondorio ekonomiko eta sozial larriak ditu; c) eta krisi klimatikoa, gero eta mehatxagarriagoa dena.
Bizi ginen munduaren konplexutasuna areagotu egin da, eta horrekin batera gure harridura, zer gertatzen ari den eta zer gertatuko den ulertzen saiatzen baikara. Ez dugu ia erantzunik, eta, oraingoz, gure ideiak hainbat norabidetan antolatzearekin konformatu behar dugu. Zenbat dakigu Ukrainako gerrari buruz, propagandak eta gehiegizko informazioak desinformatuta egoteko arriskua dakarkigun garai honetan? Zer ari da mugitzen nazioarteko politikan, Gerra Hotza gainditzea ekarri zuen “historiaren amaiera” faltsuaren ondoren? Zein dira arriskurik handienak eta zer egin dezakegu gaur egun haiei aurre egiteko?